آذربایجان خالق ماهنی لاری

لطفا از تمام مطالب مربوط به روستای حور دیدن فرمایید.

http://www.hur.blogfa.com


قاراگیله گلميشم اوتاقينا اويادام سني قارا گيله اويادام سني نه گؤزه ل خالق ائيله ميش يارادان سني قارا گيله يارادان سني گؤتوروب من قاچارام آرادان سني قارا گيله آرادان سني قيزيل گول گلدي صبريمي كسدي سيل گؤزون ياشين قارا گيله آغلاما بسدي تبريزين كوچه لري دولان با دولان قارا گيله دولان با دولان ايه ر مني سئومه ييرسن گئت آيري دولان نه منه قيز قحه طدير نه سنه اوغلان قارا گيله نه سنه اوغلان آغاج اولايديم يولدا دورايديم سن گله ن يئره قارا گيله كؤلگه سالايديم ائويميزين قاباغي سو گله ن آرخدي قارا گيله سو گله ن آرخدي دوروم چيخيم ائيوانا يار گله ن واختدي قارا گيله يار گله ن واختدي يار گليب چيخمايير اوقاتيم تلخدي قارا گيله اوقاتيم تلخدي دربند آرالي كؤنلوم يارالي بير يار سئوميشم قارا گيله ائللر مارالي قارا گيله نغمه سينين تاريخی قارا گيله؛ تبريز شيوه سی ايله " قره گيله" ملی فولکلوروموزا وارد اولان معاصر نغمه لردن دير. هر بير آذربايجانلی بو ماهنی نين بير نئچه بندينی بيلير و اوخويور. استاد شهريارين نوستالژيک "حيدربابا" اثری يارانماميشدان قاباق قاراگيله تبريزده اوخونوردو و ايندی ده اوخونور. تانينميش خواننده لرده ن بيرينجی دفعه ربابه خانيم مرادوا ئوز احساسلی سسی ايله قاراگيله نی اوخودو اونا گؤره ده اونون ئوزو قاراگيله آدلاندی. 1968-جی ايلده آذربايجانين نابغه بسته کاری، مايسترو نيازی قارا گيله نی سيمفونيزه ائتدی و موسيقی دنياسيندا ابدی ساخلادی. نيازی اوشاقليقدا تبريزده اولوب سونرالاردا بير نئچه دفعه تبريزه مسافرتلر ائيله ميشدی. او بيليردی کی، قاراگيله جنوبون رمزلريندن بيريدير. مايسترونون سيمفونی سی قارا گيله نی داها دا ديللره سالدی. شوکت خانيم ايسه ارکستر و کر گروهو ايله قاراگيله نی ئوز اوره يه ياتان سسی ايله اوخودو. يقين هر بير آذربايجانلی شوکتين سسی ايله قارا گيله نی ائشيديب و چوخ روحلانيبدير. قاراگيله عاشقانه احساسلاری آچيق شکيلده ديله گتيرديينه گؤره سنتی بير جامعه ده عمومی يئرلرده اوخونموردو. آمما قاراگيله جنوبی آذربايجانين دموکرات غائله سینده ن سونرا تبريزلی مهاجرلرين واسطه سی ايله شمالی آذربايجانا گئتدی و شوکتين سسی ايله راديو دالغالاری اوستونده ئوز دوغما شهری تبريزه قاييتدی و باغلی قاپيلارين هاميسينی آچدی . سوئت حکومتی-شوروی- دورونده باکی دا اوخونان قاراگيله، سياسی باخيشلارا گؤره بير آز ده ييشيلميشدی. مثلا " تبريزين يوللاری" يئرينه " شهرين کوچه لری" اوخونوب . آمما تبريز راديوسونون خواننده سی خانم فاطمه زرگری اصيل متنی دوز اوخويوب. باشقا نغمه لر کيمی قارا گيله ده قاداغان اولوندو و راديو تلويزيوندان ياييلمادی آمما بو ياساق قاراگيله نين ياددان چيخماسينا باعث اولمادی. هئچ کس قارا گيله نين جنوبداکی تويلاردا اوخونماسينا مانع اولا بيلمه دی تبريز تويلاريندا قارا گيله ماهنی سی ان سئويلن اوخوماقلاردان دير. قارا گيله همده فرش توخويان گبه توخويان ايشچيلرين ايستکلی نغمه لريندن دير و ايش باشيندا اوخونار. قارا گيله ساده معناسيندا ايستر کيش ايستر ايسه خانيم اولان بير قاراگؤز انسان دئمک دير. آمما تبريزده قارا گيله "منيم عزيزيم" معناسيندا ايشله نيرو مهربانليق سؤزودور. قارا گيله مجازی معنادا "جانيم"،"عشقيم"،" اوره ييم" دئمکدير. قاراگيله نين اصل کامل متنی 19 بنددن عبارت دير. هربند ايسه ايکی حيصه دير. اول حصه ده سس لر اوزون ايکينجی حصه ده سس لر قيسادير. نغمه نين ريتمی تبريز لهجه سی ايله دوز گلير و اون دوققوز بندين هاميسيندا آزمی چوخ تبريز نشانه سی وار. گولوستان باغی، چيراغ گاز، ورشو خيابانی، قلمدان و باشقا بو کيمی سؤزلر قاراگيله نين محاربه دورونده تبريزده يارانديغينی گؤسترير.قارا گيله نين کامل متنی ايکينجی دنيا محاربه سيندن سونرا تبريزده "چمن آرا" نشر مرکزی طرفيندن " آذربايجان تصنيف لری" آدی ايله نشر ائديليب. سونرادان پرويز پرويزی ئوزونون "باکی و قفقاز تصنيف لری"،"ترکی استانبولی تصنيف لری" دن عبارت اولان 95 صفحه ليک کتابيندا بونو يئنی دن چاپ ائديب آمما بو کتابلارين هر ايکی سی چوخ آز ياييليب و ايندی آنجاق بعضی کتابخانالاردا قالير. 2001-جی ايلده آذربايجانين مشهور ژورناليستی رافائل حسين اوف، قاراگيله نين کامل متنين پرويز پرويزی نين کتابيندان گؤتوروب. و "ملتين ذره سی" آدلی ئوز کتابيندا چاپ ائديب. تبريزه مخصوص اولان سؤزلری آذربايجان يازيچيلار بيرليينين قدرتلی يازيچی سی بالاش آذر اوغلودان سوروشوب و يازيب. رافائلين بو کتابی باکی دا آذر نشر طرفيندن ياييليب. من ده قارا گيله نی بو کتابدان گؤتوروب عرب الفباسينا کوچورموشم. اگر قارا گيله سئوداليلار اوچون "عاشيق" و "معشوقه" معناسی وئريرسه عوضينده تبريزلی مهاجيرلره يا هر-هانسی سببه گؤره غربت ده ياشايان هر بير جنوبی آذربايجانلی اوچون تبريزين ئوزو دئمک دير. تبريزی ئوزلرينه يار بيلن لر قارا گيله سؤزو ايله وطن عشقينده يانيرلار. او بير سئوگی دير کی، اونا غربت دردين دئمک اولار. بو سبب دن دئييبلر کی، قارا گيله ملی حکومت دن سونرا باکی دا کی جنوبلو مهاجرلرين "غمنامه" سی دير. هم آغلادير همده گولدورور. هر اوخويان و زومزومه ائيله ين ايسته دييی سؤزو اونا آرتيرير. يازيلان اون دوققوز بندين بير نئچه سی کامل دئييل. تبريزين بعضی محلله لريندن قارا گيله نين بندلرينده اوخونور آمما بو متن ده يوخدور. نمونه اوچون: " گلميشم قاپيوا حاليوی سوروشام" و " کوچه زدن گئچيرم سايلم ساييل" اميدوارام کی، موسيقی سئونلر و ذوقلو همشهری لريميز اونو کامل ائيله ييب اوخونماميش بندلريندن يئنی ماهنی لار ياراتسينلار. ملی هويتيميزی جانلانديرماق اوچون قارا گيله نين جوانلاريميز آراسيندا يئنی دن موزون شکيلده يارانماسی لازيمدير. آذربايجان مارالي آي قير گزمه آرالي كؤنلوم سندن يارالي گؤزلرينه حئيرانام آذربايجان مارالي سن بولاق اوسته گله نده قييقاجي باخيب گولنده آلدين صبري قراريمي آذربايجان مارالي من قوربانام گؤزلره شيرين شيرين سؤزلره بير قوناق گل بيزلره آذربايجان مارالي او گونه قوربان كسه رم گلمه سن سندن كوسه رم گزه رم سندن آرالي آذربايجان مارالي گئده ك قيرخ قيز يايلاغينا مارال جئيران اويلاغينا اينه ك عيسا بولاغينا آذربايجان مارالي تورش سو اولسون يايلاغيميز گؤزه ل شوشا اويلاغيميز سن اولايدين قوناغيميز آذربايجان مارالي آهو كيمي آهو كيمي گؤزلرين شيرين شيرين سؤزلرين سن منيمسن من سنين نييه لازيم سؤزلرين جانيم گؤزوم آي سؤزوم سنسيز من نئجه دؤزوم سنسن منيم اؤز گولوم چمنده كي بولبولوم من سندن ال اوزمه رم سنسن منيم سئوگيليم جانيم گؤزوم آي سؤزوم سنسيز من نئجه دؤزوم آي قيز دور گل يانيما قادان بالان جانيما من سندن ال اوزمه رم l آند اولسون ويجدانيما جانيم گؤزوم آي سؤزوم سنسيز من نئجه دؤزوم داغلارا چن دوشنده داغلارا چن دوشنده سونبوله دن دوشنده روحوم بدنده اوينار ياديما سن دوشنده بو قالا داشلي قالا جينقيللي داشلي قالا قورخورام گئج گله سن گؤزلريم ياشلي قالا قيزيل گول اولمايايدي ساراليب سولمايايدي بير آيريليق بير اؤلوم هئچ بيري اولمايايدي بو قالا داشلي قالا جينقيللي داشلي قالا قورخورام گئج گله سن گؤزلريم ياشلي قالا آی قز حيرانين اوللام Ay Qız Heyranın Ollam Xalq Mahnısı Mətni Yazan: Siyamək Səlamzadə Bağa girdim üzümə, Tikan batdı dizimə, Əyildim çəxartmağa, balam, Yar göründü gözümə. Ay qəz heyranın ollam, Ay qəz ceyranın ollam, Gedərsən yola sallam, Qalarsan qadan allam, Gedərsən yola sallam, balam, Qalarsan qadan allam. Meynədə üzüm qaldı Dərmədim üzüm qaldı Bir evdə iki bacı, balam, Birində gözüm qaldı. Ay qəz heyranın ollam, Ay qəz ceyranın ollam, Gedərsən yola sallam, Qalarsan qadan allam, Gedərsən yola sallam, balam, Qalarsan qadan allam آهو كيمی گوزلرين Ahu Kimi Xalq Mahnısı Mətni Yazan: Siyamək Səlamzadə Ahi kimi gözlərin Şirin-şirin sözlərin Sən mənimsən, mən sənin Niyə lazım sözlərin Canım, gözüm ay sözüm, Sənsiz mən necə dözüm Sənsən mənim öz gülüm Çəməndəki bülbülüm Mən səndən əl üzmərəm Sənsən mənim sevgilim Canım, gözüm ay sözüm, Sənsiz mən necə dözüm Ay qız, dur gəl yanıma Qadan-bəlan canıma Mən səndən əl üzmərəm And olsun vicdanıma Canım, gözüm ay sözüm, Sənsiz mən necə dözüm